Ռուսաստանը և Ուկրաինան իրականացրել են գերիների փոխանակում «160-ը 160-ի դիմաց» բանաձևով
Ռուսաստանը ուկրաինական գերությունից վերադարձրել է 160 ռուս զինծառայող, փոխարենը Ուկրաինային է հանձնվել Ուկրաինայի զինված ուժերի 160 զինծառայող։ Այս մասին հայտնել են Ռուսաստանի պաշտպանության նախարարությունից, հաղորդում է ՏԱՍՍ-ը:
«Հունիսի 26-ին կիևյան ռեժիմի վերահսկողության տակ գտնվող տարածքից վերադարձվել է 160 ռուս զինծառայող։ Փոխարենը հանձնվել է Ուկրաինայի ԶՈւ 160 ռազմագերի։ Վերադարձված ռուս զինծառայողները այժմ գտնվում են Բելառուսի Հանրապետության տարածքում, նրանց հետ աշխատում է Ռուսաստանում մարդու իրավունքների լիազոր ներկայացուցիչ Յանա Լանտրատովան»,- հայտնել են այնտեղ։
ԱՄԷ-ն հումանիտար բնույթի միջնորդական ջանքեր է գործադրել ուկրաինական գերությունից ռուս զինծառայողների վերադարձի հարցում։
