Հորմուզի նեղուցում նավը գնդակnծnւթյան է ենթարկվել․ անձնակազմի մեկ անդամ զnhվել է
Հորմուզի նեղուցում նավը գնդակոծության է ենթարկվել, անձնակազմի մեկ անդամ զոհվել է, հայտնել է Մեծ Բրիտանիայի Ռազմածովային ուժերին առընթեր Ծովային առևտրային փոխադրումների կոորդինացման կենտրոնը (UKMTO), հայտնում է ՏԱՍՍ-ը։
«Անվտանգության ծառայության աշխատակիցը հայտնել է, որ նավը Հորմուզի նեղուցից դուրս գալիս խոցվել է անհայտ արկով: Հարվածը հանգեցրել է մեքենայական բաժանմունքի վնասմանը և անձնակազմի անդամի հրդեհմանն ու մահվանը», – ասված է UKMTO-ի:
Անձնակազմի մյուս անդամներին օգնություն է ցուցաբերում Օմանի ափամերձ պահպանությունը, տեղի ունեցածի առնչությամբ ընթանում է քննություն:
UKMTO-ն զգուշացրել է տարածաշրջանում գտնվող նավերին զգոնություն պահպանելու և այդ տարածքում ցանկացած կասկածելի գործունեության մասին հայտնելու անհրաժեշտության մասին:
