Մոսկվայում եղանակային վտանգի դեղին մակարդակ է հայտարարվել

Մոսկվայում եղանակային վտանգի դեղին մակարդակ է հայտարարվել.

Ամպրոպի և անձրևի պատճառով եղանակային վտանգի դեղին մակարդակը Մոսկվայում և մարզում կգործի մինչև տեղական ժամանակով ժամը 21:00-ը, հայտնում է «Коммерсантъ»-ը՝ հղում անելով ՌԴ Հիդրոմետկենտրոնի տվյալներին։

Տարածաշրջանում ամպրոպի ժամանակ սպասվում է քամու պոռթկումների ուժգնացում մինչև 15 մ/վ։ Մոսկվայի ԱԻՆ վարչությունը նախազգուշացրել է վատ եղանակի պատճառով հնարավոր արտակարգ իրավիճակների մասին։

Ամպրոպով անձրև կարող է լինել նաև հունիսի 15-ին, նշված է Հիդրոմետկենտրոնի կանխատեսման մեջ։ Հունիսի 13-ի երեկոյան Մոսկվայում տեղի է ունեցել ուժեղ տեղատարափ անձրև ամպրոպով։ «Ֆոբոս» եղանակային կենտրոնի տվյալներով, մայրաքաղաքում անձրևները կշարունակվեն մինչև հունիսի 19-ը։

Առաջիկա շաբաթվա ընթացքում օդի ջերմաստիճանը կկազմի +17°C-ից +23°C։