Թուրքիան 5-րդն է աշխարհի ամենաագրեսիվ վարորդներն ունեցող երկրների շարքում
Միջազգային նոր հետազոտությունը պարզել է, որ աշխարհի հայտնի զբոսաշրջային վայրերում երթևեկությունը հաճախ կարող է վերածվել իսկական փորձության: Այս մասին տեղեկացնում է ermenihaber.am-ը։
«Discovercars.com» մեքենաների վարձույթի հարթակի իրականացրած գլոբալ հարցման համաձայն՝ աշխարհում ամենաագրեսիվ երթևեկությունն ունեցող երկիրը Իտալիան է, որտեղ հարցվածների 23%-ը բախվել է անկանոն, կանոններն անտեսող և վտանգավոր վարման դեպքերի:
Ագրեսիվ վարորդների թվով 2-րդ տեղում հայտնվել է Մեծ Բրիտանիան (11%), որտեղ հատկապես բարդ է երթևեկությունը մայրաքաղաք Լոնդոնում, իսկ 3-րդ հորիզոնականում ԱՄՆ-ն է (9%): Թուրքիան և Իսպանիան 4-ական տոկոսով կիսում են 5-րդ հորիզոնականը:
Հետազոտությունը նաև թվարկել է վարորդների այն վարքագծերը, որոնք ամենից շատն են նյարդայնացնում մարդկանց. շրջադարձի կամ գոտի փոխելու ժամանակ թարթիչը չմիացնելը (56%), առջևի մեքենային շատ մոտ ընթանալը (46%), ձախ գոտում դանդաղ վարելը (43%):
