ԱՄՆ-ի հակասուզանավային ինքնաթիռը և անօդաչուն պարեկություն են անցկացրել Իրանից դեպի հարավ

ԱՄՆ ռազմածովային ուժերի P-8A Poseidon հակասուզանավային պարեկային ինքնաթիռը և MQ-4C Triton ռադիոէլեկտրոնային հետախուզության հեռահար անօդաչու թռչող սարքը փետրվարի 10-ին մեկը մյուսի հետևից մի քանի ժամ թռիչքներ են իրականացրել Իրանից դեպի հարավ-արևելք: Այդ մասին են վկայում Flightradar24 ավիացիոն ռեսուրսի տվյալները։P-8A Poseidon ինքնաթիռը բարձրացել է Բահրեյնի Շեյխ Իսա ավիաբազայից։

Մի քանի ժամ տևած գործողության ընթացքում այն ​​թռիչքներ է կատարել Հորմուզի նեղուցի վրայով՝ թռչելով Պարսից և Օմանի ծոցերի միջև։

Այնուհետև MQ-4C Triton անօդաչու թռչող սարքը տևական ժամանակ հետախուզական թռիչք է իրականացրել Օմանի ծոցի միջազգային ջրերի վրա՝ Իրանի հարավարևելյան ափի մերձակայքում։

Ամերիկյան պարեկային ինքնաթիռը և ԱՄՆ ռազմածովային ուժերի անօդաչուն կանոնավոր կերպով օգտագործվում են Հորմուզի նեղուցի, Պարսից և Օմանի ծոցերի շրջանում իրադրությունը վերահսկելու համար։