Հյուսիսային ծովում նավթատար տանկերի և բեռնանավի բախումից հետո առնվազն 32 մարդ է փրկվել
Մեծ Բրիտանիայի արևելյան ափերի մոտ Հյուսիսային ծովում նավթատար տանկերի և բեռնանավի բախումից հետո առնվազն 32 մարդ է փրկվել։ Տուժածների ստույգ թիվը հայտնի չէ։
«Փրկարարական գործողության մեջ ներգրավված երեք նավեր ափ են դուրս բերել ընդհանուր առմամբ 32 մարդու, նրանք ողջ են, սակայն նրանց վիճակի մասին ոչինչ հայտնի չէ»,-ինչպես հաղորդում է «Ինտերֆաքս»-ը, այս մասին գրում է Sky News-ը՝ վկայակոչելով Port of Grimsby East-ի տնօրեն Մարտին Բոյերսին։
Բախված նավերն այրվում են։ Sky News-ը հրապարակել է լուսանկարներ։
Դեպքի վայր են ուղարկվել մի քանի փրկարար նավակներ և ուղղաթիռ, ինչպես նաև ինքնաթիռ և մոտակայքում գտնվող նավեր, որոնցից հնարավոր է եղել մարել հրդեհները։
Մեծ Բրիտանիայի տրանսպորտի նախարար Հեյդի Ալեքսանդերն ասել է, որ հետևում է իրադարձությունների զարգացմանը և շնորհակալություն է հայտնել փրկարարներին աշխատանքի համար:
