Ադրբեջանում ընդդիմության դեմ պայքարում են նաև պոռնո կայքի միջոցով
Haqqin.az-ի փոխանցմամբ՝ Ադրբեջանում ստեղծվել է պոռնո կայք՝ ընդդիմության դեմ: Արդեն մի քանի օր է, ինչ ցանցում հայտնվել է մի կայք, որում ընդդիմադիր գործիչներին, լրագրողներին և հասարակական այլ գործիչներն ի ցույց են դրվում անպատշաճ տեսքով:
ԶԼՄ-ները հիշեցնում են, որ տվյալ տեսանյութերը նոր չեն և արդեն մի քանի տարի է, ինչ ցուցադրվում են «Լիդեր» հեռուստաալիքով: Դրա հետ կապված՝ ընդգծվում է, որ ամենայն հավանականությամբ, կայքը ստեղծողները չեն ունեցել նոր վարկաբեկող նյութեր, և նրանք որոշել են ընդդիմադիր առաջնորդներին վարկաբեկել հին տեսանյութերով:
Ընդդիմադիր ԶԼՄ-ները հիշեցնում են, որ Ադրբեջանում պոռնո նյութերի պատրաստումն ու տարածումը պատժվում է օրենքով:
