Սերուցքային մուս՝ հատապտուղներով
Բաղադրիչները՝
- 1 բաժակ հատապտուղ (մոշ, մորի կամ ելակ)
- 1 բաժակ խիտ սերուցք
- 1 ճ/գ ժելատին
- 3 ճ/գ շաքարի փոշի
- 1 ճ/գ ռոմ
Պատրաստման եղանակը
Ժելատինը բացեք վեցապատիկ եռացրած-սառեցրած ջրով, թողեք մինչև փքվելը: Ջուրը թափեք: Ժելատինը լուծեք գոլորշու վրա:
Սերուցքը հարեք շաքարի փոշու հետ, հարելու վերջում ավելացրեք ռոմը, ապա լուծված ժելատինն ու խառնեք:
Բաժակների մեջ մի շերտ հատապտուղ շարեք, ապա լցրեք ժելատինով սերուցքի մի մասը: Հետո կրկին մի շերտ հատապտուղ շարեք ու լցրեք ժելատինով սերուցքի մյուս մասը: Մի քանի հատապտուղ թողեք ձևավորելու համար:
Մուսը 3 ժամով տեղադրեք սառնարանում:
Մատուցելիս զարդարեք հատապտուղներով ու լայմի կտորներով:
