Պենտագոնի ղեկավար Լլոյդ Օսթինը հեռախոսազրույց է ունեցել ՌԴ պաշտպանության նախարար Անդրեյ Բելոուսովի հետ
ԱՄՆ պաշտպանության նախարար Լլոյդ Օսթինը երեքշաբթի՝ հունիսի 25-ին, առաջին անգամ հեռախոսազրույց է ունեցել իր ռուսաստանցի գործընկեր Անդրեյ Բելոուսովի հետ։ Այս մասին հայտարարել է Պենտագոնի մամուլի քարտուղար Պատրիկ Ռայդերը՝ հավելելով, որ այն տեղի է ունեցել ամերիկյան կողմի նախաձեռնությամբ։
Զրույցի ընթացքում Լլոյդ Օսթինը նշել է, որ Ռուսաստանի և ԱՄՆ-ի ռազմական գերատեսչությունների համար կարևոր է պահպանել կապի ուղիները։
Նախարարները կարծիքներ են փոխանակել Ուկրաինայի շուրջ ստեղծված իրավիճակի շուրջ՝ ասվում է ՌԴ պաշտպանության նախարարության հայտարարության մեջ։ Մասնավորապես, Բելոուսովը նշել է «իրավիճակի հետագա սրման վտանգը՝ կապված Ուկրաինայի զինված ուժերին ամերիկյան զենքի շարունակական մատակարարման հետ»։
Պենտագոնի ղեկավարի և պաշտպանության այդ ժամանակվա նախարարի՝ Սերգեյ Շոյգու վերջին հեռախոսազրույցը տեղի է ունեցել 2023 թվականի մարտին։
