40 տարեկանից բարձր կանանց բժիշկը հորդորում է մի քանի պարտադիր հետազոտություն անցնել
40 տարեկանից բարձր կանանց խորհուրդ է տրվում պարբերաբար մի քանի բժշկական հետազոտություն անցնել, ասել է բժշկական գիտությունների թեկնածու, ուրոլոգ, էնդոկրինոլոգ Ալեքսանդր Կորոլևը։ Նրանց անունները բժիշկը նշել է Lenta.ru-ի հետ զրույցում։
«Տարիքի հետ մեծանում է բազմաթիվ հիվանդությունների, այդ թվում՝ սրտի հիվանդությունների, քաղցկեղի և արթրիտի զարգացման ռիսկը: Եթե սկսեք ավելի կանոնավոր այցելել ձեր բժշկին, դա կօգնի կանխարգելել, կանխատեսել ու բուժել հիվանդությունները՝ նախքան դրանց՝ լուրջ խնդիր դառնալը»,- ըստ shantnews-ի՝ հորդորել է էնդոկրինոլոգը։
Կորոլևը շաքարային դիաբետի սկրինինգը պարտադիր է անվանել տարին մեկ անգամ, հատկապես, եթե կինն ունի ռիսկի գործոններ, ինչպիսիք են՝ գիրությունը կամ ժառանգական նախատրամադրվածությունը: Էնդոկրինոլոգը խորհուրդ է տվել նաև կաթնագեղձերի ամենամյա մամոգրաֆիա և արգանդի վզիկի քաղցկեղի սկրինինգ։
«30-65 տարեկան կանայք պետք է կատարեն ՊԱՊ թեստ։ Երբ գնում եք բժշկի հետ հանդիպման, մի ամաչեք կիսվել ձեր սեռական կյանքի մասին որոշ ինտիմ մանրամասներով: Եթե դուք նոր հարաբերությունների մեջ եք կամ կասկածում եք, որ ձեր զուգընկերը այլ կանայք ունի, դուք պետք է թեստ անցնեք սեռավարակների վերաբերյալ»,-ասել է բժիշկը։
40-ից բարձր կանանց համար Կորոլևը նաև խորհուրդ է տվել վերահսկել արյան ճնշումը և արյան մեջ խոլեստերինի մակարդակը: Վերջին դեպքում անհրաժեշտ է անցնել այսպես կոչված լիպիդային համալիր թեստ, որը կարող է օգտագործվել արյան մեջ «վատ» խոլեստերինի մակարդակը որոշելու համար և որն օգտագործվում է աթերոսկլերոզի և սրտանոթային հիվանդությունների զարգացման ռիսկը գնահատելու համար։
