«Շուտով կհանդիպենք խաղադաշտից դուրս». Ազար
Էդեն Ազարը 32 տարեկանում ավարտել է ֆուտբոլիստի կարիերան։
«Պետք է լսել ինքներդ ձեզ և ճիշտ պահին ասել «կանգ առ»։ 16 տարի և ավելի քան 700 խաղ անցկացնելուց հետո ես որոշեցի ավարտել պրոֆեսիոնալ ֆուտբոլիստի կարիերաս։
Ես կարողացել եմ իրականացնել իմ երազանքը, խաղացել և հաճույք եմ ստացել աշխարհի շատ մարզադաշտերում: Իմ կարիերայի ընթացքում ինձ բախտ է վիճակվել ծանոթանալ հրաշալի մարզիչների, մարզչական շտաբների անդամների և թիմակիցների հետ: Շնորհակալ եմ բոլորիդ այս հրաշալի ժամանակների համար: Կկարոտեմ բոլորիդ:
Ցանկանում եմ նաև շնորհակալություն հայտնել այն ակումբներին, որոնց կազմում խաղացել եմ՝ «Լիլին», «Չելսիին» և Մադրիդի «Ռեալին», և շնորհակալություն հայտնել Բելգիայի ֆուտբոլի ֆեդերացիային հավաքական հրավիրվելու համար:
Հատուկ շնորհակալություն իմ ընտանիքին, իմ ընկերներին, իմ խորհրդատուներին և այն մարդկանց, ովքեր իմ կողքին են եղել լավ և վատ ժամանակներում: Վերջապես, շատ շնորհակալ եմ իմ երկրպագուներին, ովքեր հետևել են ինձ այս տարիների ընթացքում, ձեր աջակցության համար, որտեղ ես ելույթ եմ ունեցել:
Լավ ժամանակ է մտերիմների ընկերակցությունը վայելելու և նոր տպավորություններ ստանալու համար: Շուտով կհանդիպենք խաղադաշտից դուրս, ընկերներ», – գրել է Ազարը։
Նշենք, որ Էդեն Ազարը պրոֆեսիոնալ կարիերան սկսել է «Լիլում»՝ 2007 թվականին, 2012-ին տեղափոխվել է «Չելսի»: Նրա վերջին ակումբը եղել է «Ռեալը», որի կազմում բելգիացին հանդես է եկել 2019-2023 թվականներին:
Իր կարիերայի ընթացքում Ազարը նվաճել է 15 գավաթ։ Նա երկու անգամ դարձել է Անգլիայի և Իսպանիայի չեմպիոն, մեկ անգամ հաղթել Ֆրանսիայի առաջնությունում, դարձել Չեմպիոնների լիգայի հաղթող և երկու անգամ հաղթել Եվրոպայի լիգայում:
Բելգիայի հավաքականի կազմում նախկին կիսապաշտպանը մասնակցել է 126 հանդիպման և դարձել ԱԱ-2018-ի բրոնզե մեդալակիր:
