Ադրբեջանում զինծառայող է մահացել զորավարժությունների ժամանակ․ նրա պարաշյուտը չի բացվել

Ադրբեջանում զորավարժությունների ժամանակ զինծառայող է մահացել։ Ինչպես հայտնում են ադրբեջանական ԶԼՄ-ները, թռիչքի ժամանակ ԶՈւ զինծառայող Ռիզվան Գուլիևի պարաշյուտը չի բացվել։ Նշվում է, որ նա կռվել է 44-օրյա պատերազմում։

Բացի այդ, հաղորդվում է Ադրբեջանի պետական սահմանապահ ծառայության զինծառայող Ֆարիդ Աղամալիևի մահվան մասին: Պատճառները չեն նշվում։

Ավելի ուշ որոշ լրատվամիջոցներ հեռացրել են Աղամալիևի մահվան լուրը։