Բայդենն օգնություն է առաջարկել Իսրայելին ահաբեկչության դեմ պայքարում
ԱՄՆ-ի նախագահ Ջո Բայդենը մարտի 30-ին հեռախոսազրույց է ունեցել Իսրայելի վարչապետ Նաֆտալի Բենետի հետ, որի ընթացքում հրեական պետությանը ահաբեկչության դեմ պայքարի գործում օգնություն է առաջարկել վերջերս իրականացված մի շարք ահաբեկչական գրոհների լույսով: Այդ մասին հայտարարել է Սպիտակ տունը:
«Նախագահ Բայդենը ցավակցություն է հայտնել մի շարք ահաբեկչական գրոհների լույսով, որոնց իսրայելական երեք քաղաքներում զոհ է դարձել 11 մարդ… Նախագահն անհրաժեշտ բոլոր տեսակի օգնություն է առաջարկել մեր իսրայելցի դաշնակիցներին իրենց քաղաքացիների նկատմամբ սպառնալիքի դեմ նրանց պայքարում»,-ասվում է ամերիկյան վարչակազմի կողմից տարածված հայտարարության մեջ:
Տեղի ունեցած բանավեճի ընթացքում, ինչպես նշվում է, Բայդենը Բենետին հավաստել է «ԱՄՆ-ի վճռական եւ հզոր աջակցությունը Իսրայելին»՝ ահաբեկչությանը եւ հրեական պետության առջեւ ծառացած մյուս սպառնալիքներին դեմ հանդիման:
«Իսլամական պետության»՝ դանակով զինված կողմնակիցը Բեեր Շեւ քաղաքում մարտի 22-ին սպանել է չորս մարդու եւ եւս մի քանիսը վերքեր են ստացել: Բացի այդ, մարտի 27-ին Հադերա քաղաքում հրաձգային զենքի օգտագործմամբ ահաբեկչական գրոհի ընթացքում երկու մարդ է զոհվել, եւս երկուսը տարբեր աստիճանի ծանրության վերքեր են ստացել: Հարձակման պատասխանատվությունն ստանձնել են նաեւ ԻՊ-ի կողմնակիցները:
Մարտի 29-ին Բնեյ-Բրաք քաղաքում հրաձգության հետեւանքով զոհվել է առնվազն հինգ մարդ, եւս մի քանիսը վերքեր են ստացել, հաղորդել է ՌԻԱ Նովոստին:
