Երևանից Մոսկվա ուղևորվող ինքնաթիռը հարկադիր վայրէջք է կատարել Սամարայում
Սամարայում Երևանից Մոսվկա ուղևորվող ինքնաթիռը հարկադիր վայրէջք է կատարել։ Այս մասին «КП-Самара»-ին հայտնել է Սամարայի օդանավակայանի մամուլի ծառայությունը։
Ինքնաթիռը «Կուրումոչ» օդանավակայան է ժամանել մարտի 7-ին ժամը 20:00-ին։ Պարզվել է, որ ինքնաթիռում ինն ամսական աղջիկը խեղդվել է խնձորից, որը նրան տվել էին ծնողները։ Օդանավի հրամանատարը որոշել է վայրէջք կատարել։
Օդանավակայանում աղջկան արդեն սպասում էին շտապօգնության բժիշկները, որոնք նրան զննելուց հետո տեղափոխել են հիվանդանոց։ Այժմ երեխայի առողջությանը վտանգ չի սպառնում։ Ինքնաթիռը Սամարայից օդ է բարձրացել ժամը 21:18-ին։
