ՊՍԺ-ն Նեյմարի վերաբերյալ բանակցություններ չի վարի մինչև սեպտեմբեր
ՊՍԺ-ն դեռ չի մտածում ֆուտբոլիստներին վաճառելու մասին:
Ինչպես հաղորդում է Diario Sport-ը, ՊՍԺ-ի ղեկավարությունը Նեյմարին հայտնել է, որ ակումբը նրան վաճառելու մտադրություն չունի: ՊՍԺ-ն կարծում է, որ սա ճիշտ ժամանակը չէ տրանսֆերային հարցերը քննարկելու համար:
Ֆրանսիական ակումբը կենտրոնացած է Չեմպիոնների լիգայում հաջողության հասնելու վրա և չի ցանկանում, որ տրանսֆերային լուրերն ինչ-որ կերպ ազդեն թիմի վրա:
Հաշվի առնելով մրցաշրջանի նոր ծավալը՝ ՊՍԺ-ն մտադիր չէ որևէ բան փոխել կամ, մասնավորապես, բանակցություններ վարել Նեյմարի վաճառքի վերաբերյալ մինչև սեպտեմբեր:
Եթե ՊՍԺ-ն դուրս մնա Չեմպիոնների լիգայից ավելի շուտ, քան սպասվում է, իրավիճակը կարող է փոխվել: Բայց մինչ այդ ակումբը չի վաճառի Նեյմարին և Մբապեին: Ներկայումս տեղեկություններ չկան, թե ինչ է լինելու ամառային տրանսֆերային պատուհանի հետ:
Նախկինում հաղորդվում էր, որ «Բարսելոնան» ցանկանում է ստորագրել Նեյմարին, բայց դա իրագործելու համար անհրաժեշտ է, որ բրազիլացին անձամբ հայտնի ՊՍԺ-ին, որ ցանկանում է հեռանալ և չի թարմացնի պայմանագիրը:
Փարիզցիները նրան առաջարկում են նոր պայմանագիր, որում միայն աշխատավարձը, առանց բոնուսների, կլինի 38 միլիոն:
Նեյմարը կարող է նաև երկարաձգել պայմանագիրը ՊՍԺ-ի հետ:
27-ամյա բրազիլացին վճռական որոշել է իր ապագան կապել փարիզցիների հետ, բայց ամեն ինչ կախված կլինի թիմի ելույթներից Չեմպիոնների լիգայում, հայտնում է ESPN-ը՝ հղելով իր աղբյուրներին: Այժմ Չեմպիոնների լիգան դադարեցվել է, և հարցը մնում է անորոշ։
ՊՍԺ-ն լավատեսորեն է տրամադրված համաձայնագրի հնարավոր երկարաձգման վերաբերյալ, բայց որոշումը պետք է կայացվեր ապրիլ-մայիս ամիսներին:
Չնայած անցած ամռանը Նեյմարի և ՊՍԺ-ի միջև լարվածությանը` բրազիլացու «Բարսելոնա» վերադառնալու ցանկության պատճառով, ֆուտբոլիստի և ակումբի միջև հարաբերություններն այժմ շատ ավելի լավն են:
Բրազիլացի ֆուտբոլիստը հարմարվել է Փարիզում և իրեն զգում է ակումբի և քաղաքի մաս:
Նեյմարի ներկայիս պայմանագիրը նախատեսված է ևս 2,5 տարի, բայց ոչ պաշտոնական բանակցություններ են տեղի ունեցել Լեոնարդոյի՝ ՊՍԺ-ի մարզական տնօրենի, Նեյմարի հայրիկի և հարձակվողի գործակալի միջև:
Սիրարփի Աղաբաբյան
