Ինտեր Մայամին առանց Մեսսիի պարտվեց․ Դե Պաուլը գոլը նվիրեց արգենտինացուն
Լիգաների գավաթի խմբային փուլի երկրորդ տուրում ամերիկյան «Ինտեր Մայամին» սեփական հարկի տակ ընդունել էր մեքսիկական «Մոնտերեյին» և ցավալի պարտություն կրել 1:2 հաշվով։
Մայամիի «Nu Stadium» մարզադաշտում կայացած հանդիպումն անցավ առանց տանտերերի ավագ Լիոնել Մեսսիի։ Ինչպես արդեն տեղեկացրել էինք, արգենտինացի աստղը բաց թողեց խաղը ընտանեկան ողբերգության՝ հոր՝ 68-ամյա Խորխե Մեսսիի մահվան պատճառով:
Գիլյերմո Օյոսի գլխավորած թիմը վստահ սկսեց հանդիպումը, և 32-րդ րոպեին Ռոդրիգո Դե Պաուլն առաջ մղեց մայամիցիներին: Գոլն առանձնացավ չափազանց հուզիչ դրվագով. Արգենտինայի հավաքականում 2022թ. աշխարհի չեմպիոն և 2026թ. փոխչեմպիոն դարձած Դե Պաուլը խփած գնդակը նվիրեց իր ավագ ընկերոջը։ Տոնելով գոլը՝ կիսապաշտպանը հանեց մարզաշապիկը, որի տակ կար ևս մեկը՝ Մեսսիի ազգանունով, և շրջվելով դեպի տրիբունաները՝ մի քանի անգամ մատնացույց անելով այն։
Սակայն «Ինտեր Մայամիին» չհաջողվեց պահպանել հաղթական հաշիվը: Երկրորդ խաղակեսի հենց սկզբում՝ 47-րդ րոպեին, Ուգո Կեյպերսը վերականգնեց հավասարությունը, իսկ հանդիպման հիմնական ժամանակին ավելացված 7-րդ րոպեին (90+7′) Դիեգո Ռոսին խփեց հյուրերի հաղթական գնդակը։
Նշենք, որ երկու տուրերից հետո և՛ «Ինտեր Մայամին», և՛ «Մոնտերեյն» ունեն 3-ական միավոր: Երրորդ տուրում ամերիկյան ակումբը կմրցի մեքսիկական «Լեոնի» հետ, իսկ «Մոնտերեյը» կհանդիպի «Նեշվիլին»:
ArmSport
