7 տեխնոլոգիա, որ որոշիչ կլինեն 2020 թվականին

Անհատականացված բժշկություն, հաջորդ սերնդի գերարագ ինտերնետ և այլ զարգացումներ, որոնք կազդեն մեր կյանքի վրա:

1. 5G

Բջջային կապի հինգերորդ սերունդն ապահովում է ավելի բարձր թողունակություն, քան 4G-ն: Դրա շնորհիվ մենք կարող ենք ավելի արագ ներբեռնել և վերբեռնել ֆայլերը, և կապը կդառնա ավելի կայուն: Ապագայում 5G-ն թույլ կտա նաև ավտոմատացված համակարգերին, ռոբոտներին և ինքնավար տրանսպորտային միջոցներին՝ հավաքել և փոխանցել ավելի շատ տվյալներ: Սա կօգնի իրերի ինտերնետի զարգացմանը:

Ստանդարտի փորձարկումը շարունակվում է 2010-ականների կեսերից, բայց այս կապի ամբողջական զարգացման համար երկար ժամանակ է անհրաժեշտ։ Ֆուտուրիստ գրող և բիզնեսի և տեխնոլոգիաների ռազմավարական խորհրդատու Բեռնար Մարը ենթադրում է, որ 5G-ն իսկապես կսկսի թռիչքաձև զարգանալ 2020 թվականից, իսկ բջջային օպերատորները կառաջարկեն մատչելի սակագնային պլաններ, որոնք աջակցում են նոր ստանդարտին:

2․ Ինքնավար մեքենաներ

2020 թվականին մենք դեռ լիովին չենք կարող վստահել ինքնավար վերահսկողությանը, բայց անօդաչու վարման ոլորտն ակտիվորեն կզարգանա:

Tesla-ի ղեկավար Էլոն Մասկն ասում է, որ 2020 թվականին ընկերությունը կստեղծի առաջին «ավարտված» անօդաչու սարքը, և ավտոմատացված արգելակման համակարգերը կդառնան ավելի տարածված: Բացի այդ, մենք ավելի ու ավելի շատ կլսենք անօդաչու տաքսիի մասին, ինչը կվկայի զարգացած քաղաքներում դրա կիրառելիության մասին: Օրինակ՝ 2019 թվականին Google Waymo-ն մեկ ամսվա ընթացքում փորձնական 6,200 ուղևոր է տեղափոխել ինքնավար մեքենայով:

Հաջողությունների մասին նորությունների հետ մեկտեղ՝ մենք կլսենք անօդաչու մեքենավարությունը կարգավորող նոր օրենքների մասին: Կլինեն նաև շատ բանավեճեր, որոնք դուրս կգան տեխնոլոգիական ոլորտից և կառնչվեն, օրինակ, տաքսիստների հետագա զբաղվածությանը:

3. Արհեստական ինտելեկտը՝ որպես ծառայություն

Բեռնարդ Մարն իր «Արհեստական ​​ինտելեկտը պրակտիկայում» գրքում ասում է, որ ընկերություններն արդեն սովորում են, թե ինչպես օգտագործել ԱԻ-ն (արհեստական ինտելեկտ)՝ ծառայությունը բարելավելու և բիզնես գործընթացներն օպտիմալացնելու համար: Այս միտումը կշարունակվի նաև հաջորդ տարի:

Այնուամենայնիվ, շատ կազմակերպություններ սեփական համակարգերի զարգացումը չեն կարող իրագործել: Հետևաբար՝ նրանք ստիպված կլինեն դիմել պլատֆորմ մատակարարողներին, ինչպիսիք են Amazon-ը, Google-ը և Microsoft-ը:

ԱԻ համակարգերը համընդհանուր չեն, և միշտ չէ, որ հարմար են տարբեր ընկերությունների հատուկ խնդիրների համար: 2020 թվականին մենք կտեսնենք արհեստական ​​ինտելեկտի նոր ծառայություններ մատուցողներ, որոնք, ամենայն հավանականությամբ, կառաջարկեն ավելի մասնագիտացված բիզնես առաջարկներ:

Սիլիկոնային հովտի ձեռներեցների համար սա ներդրումների ամենատարածված ոլորտներից մեկն է: Այսպիսով, Մարկ Ցուկերբերգը և Իլոն Մասկը, այլ ներդրողների հետ միասին, Vicarious ընկերությունում ներդրել են 40 միլիոն դոլար։ Ընկերությունը ձգտում է ստեղծել արհեստական ինտելեկտ՝ ընդհանուր մակարդակում, և ռոբոտներին սովորեցնել սովորել:

Իսկ միլիարդատեր Մարկ Կուբանը, ի թիվս այլ բաների, ներդրումներ է կատարում խոսքի ճանաչման տեխնոլոգիայի ոլորտում: Այժմ սպառողական էլեկտրոնիկայի գրեթե բոլոր արտադրողները ցանկանում են ձայնային թողարկումն ինտեգրել իրենց արտադրանքի մեջ, և ներդրողները ոլորտը համարում են շատ հեռանկարային: «Ձայնի ակտիվացումը կփոխի սպառողական էլեկտրոնիկան»,- ասում է Կուբանը: «Կարծում եմ, որ բոլոր սարքերը՝ առանց ձայնի կամ հպման ազդանշանների, ժամանակի ընթացքում կվերանան»:

4. Անհատականացված բժշկություն

Ավելի ու ավելի շատ մարդիկ օգտագործում են անհատական սարքեր, որոնք հավաքում են տվյալներ սրտի աշխատանքի, քնի որակի և նույնիսկ ԷԿԳ-ների վերաբերյալ: Այս տեղեկությունների օգտագործումը, Բեռնար Բեռնի կարծիքով, կազդի առողջության ոլորտի վրա. մենք կարող ենք կանխատեսել, ախտորոշել և բուժել հիվանդությունները նույնիսկ մինչև լուրջ ախտանիշերի հայտնվելը:

Հեղինակը հենվում է նաև հիվանդների նկատմամբ անհատական ​​մոտեցման վրա: Մարդիկ հիվանդությունները տարբեր կերպ են հանդուրժում և արձագանքում դեղամիջոցներին, ուստի առաջին հերթին՝ արդյունավետ բուժումը պետք է անհատականացվի:

Սա նոր գաղափար չէ։ Այն արդեն օգտագործվում է քաղցկեղի պատվաստանյութ ստեղծելու համար: BioNTech նորաստեղծ գիտնականները յուրաքանչյուր հիվանդի համար մշակում են անհատական ​​դեղամիջոց՝ հիմնվելով քաղցկեղի բջիջների մուտացիաների տվյալների վրա: Դա կարող է լինել այլընտրանք քիմիաթերապիայի համար:

5. Համակարգչային նույնականացում

Նման համակարգերն ակտիվորեն զարգանում են։ Դրանք կարող են ճանաչել օբյեկտները, վայրերը կամ մարդկանց՝ տեսախցիկներից կամ ցուցիչներից ստացված պատկերներից: Նման ալգորիթմներն օգտագործվում են սմարթֆոններում՝ անձի կամ Google-ի նկարների որոնման համակարգում։

2020 թվականին համակարգչային տեսողության տեխնոլոգիաները ավելի ու ավելի հաճախ կկիրառվեն: Սենսորների օգտագործմամբ նույնականացումը կներդրվի անօդաչու սարքերի մեջ՝ վտանգները պարզելու համար, արտադրական գծերում դա կօգնի թերի արտադրանքները հետևելու, իսկ քաղաքում՝ տարբեր դեմքերը կանխելու համար:

Մեր կյանքում նման համակարգերի առաջացմանը զուգընթաց՝ կավելանա այս տեխնոլոգիայի վերաբերյալ վեճերի քանակը, մասնավորապես՝ դիտարկվող տվյալների գաղտնիության և անվտանգության վերաբերյալ:

6. Ընդլայնված իրականություն

Ընդլայնված իրականությունը (XR) ընկալվում է՝ որպես վիրտուալ, ավելացված և խառը իրականություն: Վիրտուալն ապահովում է ամբողջական ընկղմման ազդեցությունը, երբ հատուկ սաղավարտների օգնությամբ մտնում ենք արհեստականորեն ստեղծված աշխարհ: Ավելացված իրականությունը վիրտուալ առարկաներին ավելացնում է տարածք, երբ մենք նայում ենք սմարթֆոնի էկրանին: Խառը իրականության մեջ մենք կարող ենք ոչ միայն տեսնել, այլև շփվել վիրտուալ առարկաների հետ, օրինակ՝ հոլոգրաֆիկ դաշնամուրի:

Այսօր այդ տեխնոլոգիաները հիմնականում օգտագործվում են զվարճանքի ոլորտում։ Մենք արդեն լսել ենք Oculus Rift և Vive ականջակալների մասին, տեսել ենք վիրտուալ առարկաներ Snapchat ֆիլտրերում և Pokemon Go խաղախաղում: 2020 թվականին ամեն ինչ կարող է փոխվել։ Ընկերությունները սկսում են հասկանալ, թե ինչ հնարավորություններ են ընձեռում նման տեխնոլոգիաները՝ հաճախորդների հետ շփվելիս, և վիրտուալ աշխարհի մոդելավորումը դառնում է ավելի մատչելի:

Apple-ը կարող է մեծ ներդրում ունենալ ընդլայնված իրականության զարգացման մեջ: Bloomberg-ը հայտնում է, որ 2020 թվականին ընկերությունը կներկայացնի լրացված իրականության ակնոցներ:

7. Բլոկչեյն

Բլոկչեյն տեխնոլոգիաները մի քանի տարի առաջ համարվում էին ամենաարագ զարգացողը և խոսում էին դրանց մեծ ապագայի մասին։ Բայց կա մի քանի պատճառ, որոնք հիմնավորում են, որ դրանք կմտնեն մեր առօրյա կյանք 2020 թվականից: Նախատեսվում է այս տարի սկսել երկու նախագիծ՝ փոխելու վճարման և դրամական փոխանցումների մոտեցումը: Սա Libra-ն  է՝ Մարկ Ցուկերբերգից, և Gram-ը՝ Պավել Դուրովից: Նրանց օգնությամբ ֆինանսական գործարքները կարող են իրականացվել ուղղակիորեն առաքիչի միջոցով:

Սիրարփի Աղաբաբյան