Հազարավոր իսրայելցիներ հավաքվել են «Պատանդների հրապարակում»՝ սպասելով գերության մեջ անցկացրած տղամարդկանց ազատ արձակմանը
Հազարավոր իսրայելցիներ հավաքվել են Թել Ավիվի կենտրոնում գտնվող այսպես կոչված «Պատանդների հրապարակում»՝ սպասելով Գազայի հատվածում երկու տարուց ավելի գերության մեջ անցկացրած առևանգված տղամարդկանց ազատ արձակմանը, հաղորդում է «Պատանդների ընտանիքների ֆորումը»։
Kan պետական հեռարձակողը հաղորդում է, որ պատանդների հարազատները ներկայումս հավաքվում են Իսրայելի հարավում գտնվող Ռեյմի ավիաբազայում, որտեղ, ինչպես սպասվում է, առևանգվածներին կտեղափոխեն ազատ արձակվելուց հետո։
Երկուշաբթի առավոտյան պաղեստինյան «ՀԱՄԱՍ» շարժումը հրապարակել է այսօր ազատ արձակվելիք 20 կենդանի պատանդների ցուցակը։ Նրանց թվում է Դոնբասի տարածաշրջանի բնիկ Մաքսիմ Խարկինը։ Պատանդների առաջին խումբը, ինչպես սպասվում է, կազատ արձակվի Մոսկվայի ժամանակով ժամը 8:00-ին։
