«Պոգբան չափազանց մեծ ուշադրություն է գրավում». Շմեյխել
«Մանչեսթեր Յունայթեդի» նախկին դարպասապահ Պետեր Շմեյխելը քննադատել է անգլիական ակումբի կիսապաշտպան Պոլ Պոգբայի խաղը Պրեմիեր լիգայի 7-րդ տուրի շրջանակներում կայացած «Արսենալի» հետ խաղում (1:1):
«Ես չեմ հասկանում, թե ինչու է նա այդքան խորը խաղում: Ես չեմ հասկանում, թե որն է նրա դերն այս թիմում: Նույնիսկ այն ժամանակ, երբ Սուլշերը փոփոխություններ կատարեց և առաջ քաշեց Պոլին, ոչինչ չփոխվեց, նրա խաղը մնաց նույնը: Այո, համաձայն եմ, այս խաղում Պոգբան տվեց երկու լավ փոխանցում, բայց ընդամենը երկուսն էին, ոչ թե՝ 15: Դա էր ամբողջ խնդիրը. նա չափազանց մեծ ուշադրություն է գրավում: Կարծես թե, Պոգբան այս թիմի անհանգիստ երեխան է:
Նրա կողքին գտնվող ֆուտբոլիստները բավականաչափ լավն էին, և նա առաջին խաղակեսում թաքնվում էր գնդակից: Երկրորդ խաղակեսում ամեն ինչ ավելի լավ անցավ: Նկատելի է, որ նա խաղում է այլ կերպ, քան նախորդ մրցաշրջանում: «Օլդ Թրաֆորդում» հավաքված 75 հազար երկրպագուները նույնպես գոհ չէին նրանից»,- Շմեյխելին է մեջբերում Optus Sport-ը:
Պատրաստեց Անի Գաբուզյանը
