Ավտովթար՝ Բաբաջանյան փողոցում. տուժածները հոսպիտալացվել են
Սեպտեմբերի 30-ին, ժամը 22:20-ին «911» ծառայություն ահազանգ է ստացվել, որ Երևան քաղաքի Մ. Բաբաջանյան փողոցում՝ «Բեյսիկ Հաուս» խանութի մոտակայքում, տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Ինչպես տեղեկացրին ՀՀ ԱԻՆ-ից, պարզվել է, որ Երևան քաղաքի Մ. Բաբաջանյան փողոցի թիվ 9 շենքի մոտակայքում բախվել են Honda Civic (վարորդ՝ Տիգրան Հ., ծնված 1992 թ.) և Mercedes E (վարորդ՝ Սուսաննա Գ., ծնված 1971 թ.) մակնիշների ավտոմեքենաները:
Փրկարարները Mercedes E ավտոմեքենայի վարորդին և ուղևորին (Սամվել Հ.) մոտեցրել են շտապօգնության ավտոմեքենային: Վերջիններս հոսպիտալացվել են «Հերացի» թիվ 1 համալսարանական հիվանդանոց, որտեղ ստանալով համապատասխան բուժօգնություն՝ դուրս են գրվել:
Փրկարարները հոսանքազրկել են Mercedes E մակնիշի ավտոմեքենան և փակել գազի բալոնի փականը:
