ՌԴ Պետդումայի շենքում բացվել է Հրաչյա Պողոսյան բարեգործական հիմնադրամի գործունեությունը ներկայացնող ցուցահանդես
Ռուսաստանի Դաշնության պետական Դումայի շենքում նոյեմբերի 14-ին կայացել է «Հիշողություն» ժամանակի մեջ» խորագիրը կրող ցուցահանդեսի բացման հանդիսավոր արարողությունը, որը նվիրված է ազգային միասնության օրվան և պատմում է Հրաչյա Պողոսյանի անունը կրող պետերբուրգյան բարեգործական հիմնադրամի լայնածավալ գործունեության մասին:
Այս մասին հայտնում է radichesti.ru կայքը: Կայքը գրում է, որ ցուցահանդեսը հիմնադրամի և նրա նախագահ Հրաչյա Պողոսյանի երկարատև բարեգործական աշխատանքի արդյունք է, որն ուղղված է Հայրենական մեծ պատերազմի հերոսների մասին պատմական հիշողության պահպանմանը, հոգևոր կապերի ամրապնդումը, աջակցությունը սոցիալական նշանակության ծրագրերին: Ցուցահանդեսը կազմակերպվել է Պետական Դումայի աշխատանքի, սոցիալական, քաղաքական և վետերանների հարցերով հանձնաժողովը՝ Ветеранские вести լրատվական գործակալության աջակցությամբ:
