Բեյջի թելի ստանդարտը ո՞րն է, որ այդ գներով են բեյջի թել գնել. Մեկ անձից են գնում արել
ԱԺ «Ուժեղ Հայաստան» խմբակցության պատգամավոր Լենա Մաթևոսյանն ուշադրություն հրավիրեց COP17-ի ծախսերի վրա և ասաց, որ ոչ մի տեղ չեն գտել նախաորակավորման մրցույթը՝ գնումների հետ կապված, ինչպես հայտարարել է Շրջակա միջավայրի նախարարությունը:
«Կապի, գովազդի, տրանսպորտի և մի շարք ծառայությունների պայմանագրեր կնքել են մեկ անձից: Եվ գիտե՞ք՝ ինչ կազմակերպության հետ են կնքել պայմանագիր, մի կազմակերպության, որը ձախողված ամենաաղմկահարույց միջոցառման կազմակերպիչն էր՝ Սնուփ Դոգի համերգի»,- ասաց նա:
Նույն խմբակցության պատգամավոր Հասմիկ Ենգոյանը նշեց, որ չի կարելի մեկ անձից գնումը ներկայացնել մրցույթի շղարշի ներքո:
Երեկ տեղեկություն եղավ, որ բեյջի թելը 55 դրամից ավել չարժե շուկայում, բայց գնվել է 600-ով: Շրջակա միջավայրի նախարարությունը հայտարարում է, թե ամեն ինչ ՄԱԿ-ի ստանդարտներով է արվել:
«Ուժեղ Հայաստանից» Լիանա Մանուկյանի մոտ հարց է առաջացրել՝ բեյջի թելի ստանդարտը ո՞րն է:
Մանրամասները՝ տեսանյութում
