Թուրքիան շարունակում է բանակցություններ վարել ԱՄՆ-ի հետ՝ F-35 կործանիչների գնման շուրջ․ Էրդողան
Թուրքիան շարունակում է ԱՄՆ-ի հետ F-35 կործանիչների գնման շուրջ բանակցությունները։ Այս մասին լրագրողներին հայտարարել է Թուրքիայի նախագահ Ռեջեփ Թայիփ Էրդողանը, փոխանցում է Dunya-ն։
Էրդողանի խոսքով՝ Անկարան հույս ունի, որ դրական արդյունք կձևավորվեն։
F-35-ի վերաբերյալ մեչ պահանջները հստակ են։ Մեր գործընկերները շարունակում են ամուր կապեր պահպանել իրենց ամերիկացի գործընկերների հետ։ Մենք հույս ունենք դրական արդյունքի հասնել։
Նրա խոսքով՝ թուրքական հինգերորդ սերնդի KAAN կործանիչները կարող են այդ ոլորտում առաջին կարևոր քայլը լինել Թուրքիայի համար։
«Մեր KAAN նախագիծն օրեցօր առաջ է շարժվում։ Երբ այս գործընթացն ավարտվի, այս ոլորտում նոր պատմություն կսկսվի։ KAAN-ը մեզ համար առաջին քայլն է։ Մենք ստեղծելու ենք ավելի լավ ու ավելի հզոր արտադրանք և շարունակելու ենք անել դա. դրանում ոչ ոք չպետք է կասկածի։ Ոչ միայն KAAN-ը, այլև մեր պաշտպանական արդյունաբերության շատ այլ արտադրատեսակներ հաջողությամբ գրավում են ողջ աշխարհի ուշադրությունը»,- ասել է Թուրքիայի նախագահը։
