Իրանը երկամսյա դադարից հետո վերսկսել է Մեշհեդ-Բաղդադ ավիաչվերթը

Բաղդադի միջազգային օդանավակայանն այսօր առավոտյան ընդունել է Մաշհադ քաղաքից ժամանած առաջին ուղևորատար չվերթը։ Դա տեղի է ունեցել Իրանի և Իրաքի միջև ավիահաղորդակցության 59-օրյա լիակատար դադարեցումից հետո, հայտնում է Tasnim-ը։

Այս չվերթը հնարավոր է դարձել Իրանի Քաղաքացիական ավիացիայի կազմակերպության և Իրաքի Տրանսպորտի նախարարության միջև ձեռք բերված համաձայնությունների շնորհիվ։

Մի քանի ժամ առաջ ինքնաթիռը հաջողությամբ վայրէջք է կատարել Իրաքի մայրաքաղաք Բաղդադում։