Մոսկվացիներին կոչ են արել հրաժարվել մեքենաներից
Հինգշաբթի՝ փետրվարի 12-ին, մոսկվացիներին խորհուրդ է տրվում հրաժարվել անձնական մեքենաներից և օգտվել հասարակական տրանսպորտից: Նման հորդորով հանդես է եկել երկրի Տրանսպորտի նախարարությունը:
Կանխատեսում են եղանակային անկայուն պայմաններ: Առավոտյան և կեսօրին սպասվում են ձյուն և ջերմաստիճանի բարձրացում, որին կհաջորդի ջերմաստիճանի կտրուկ անկում և ճանապարհների սառցակալում: «Խորհուրդ վաղվա համար՝ ընտրեք հասարակական տրանսպորտը, մասնավիրապես, մետրոն: Ուղևորությունը կլինի ավելի արագ, անվտանգ և ավելի հանգիստ»,- նշել է գերատեսչության մամուլի ծառայությունը։
