Կանադան հյուպատոսություն է բացում Գրենլանդիայում
Կանադան, Ֆրանսիայի օրինակին հետևելով, հյուպատոսություն է բացում Գրենլանդիայում՝ կղզու նկատմամբ Թրամփի հավակնությունների ֆոնին, հայտնում է BBC-ն։
Կանադական և ֆրանսիական դիվանագիտական ներկայացուցչությունների բացումը Գրենլանդիայի համար պատմական իրադարձություն է՝ միջազգային համագործակցության զգալի ընդլայնում։ Մինչ այս Գրենլանդիայի տարածքում գործել են միայն Իսլանդիայի և ԱՄՆ-ի հյուպատոսությունները։
Սա նաև ՆԱՏՕ-ի դաշնակիցների կողմից աջակցության վկայություն է՝ Գրենլանդիային տիրելու անհրաժեշտության մասին Թրամփի բազմաթիվ հայտարարություններից հետո, որոնք նա հիմնավորել է ԱՄՆ ազգային անվտանգության նկատառումներով։
ԱՄՆ նախագահը հետագայում հրաժարվել է այդ խոսքերից՝ հայտարարելով, որ Դանիայի, եվրոպական դաշնակիցների և Կանադայի հետ բանակցություններից հետո դիտարկում է գործարք կնքելու հնարավորությունը։
