Սերբիայի դատախազությունը Վուչիչին մեղադրել է լիազորությունները չարաշահելու մեջ
Սերբիայի դատախազությունը (JTOK) մեղադրել է նախագահ Ալեքսանդր Վուչիչին լիազորությունների չարաշահման և դատական համակարգի վրա ազդելու փորձի մեջ, հաղորդում է վերահսկող մարմնի մամուլի ծառայությունը։
Դատախազությունն անդրադարձել է 2025 թվականի նոյեմբերի 3-ին TV Prva հեռուստաընկերությամբ հեռարձակվող «Չիրիլիցա» հաղորդման շրջանակներում Սերբիայի Հանրապետության նախագահ Ալեքսանդր Վուչիչի ելույթին. «Հանրապետության նախագահը գերազանցել և չարաշահել է իր օրինական և սահմանադրական լիազորությունները և փորձել է անպատշաճ և անընդունելի ազդեցություն գործադրել դատախազության վրա՝ մեկնաբանելով ընթացիկ հետաքննությունները»,- նշված է վերահսկող մարմնի կայքում:
Սերբիայի նախագահի դիտարկումները վերաբերում էին Գլխավոր շտաբի շենքերի վերակառուցմանը: Նրա խոսքով՝ դեռևս 2016 թվականին ինքը կողմ է արտահայտվել շենքերի վերակառուցման գաղափարին և «համաձայնության է եկել ամերիկացիների հետ, որ այնտեղ կտեղակայվի ՆԱՏՕ-ի զոհերի թանգարանը, և որ դա կարվի նրանց գումարով», սակայն դատախազության որոշ անձինք դրսից եկած հրամանով քրեական գործ են հարուցել քաղաքային իշխանությունների դեմ՝ տարածքի պաշտպանված կարգավիճակը հանելու համար, «որպեսզի Սերբիան չկարողանա ավելի լավ հարաբերություններ հաստատել Թրամփի վարչակազմի հետ»։
