Սերբական Հանրապետությունը կարող է անկախություն հռչակել. Միլորադ Դոդիկ
Սերբական Հանրապետությունը (Բոսնիա և Հերցեգովինայի տարածքում գտնվող երկու սահմանադրական և իրավական տարածքներից մեկը) կարող է անկախությունը հռչակել իր վրա արտաքին ճնշումն ուժեղանալու դեպքում:
Այս մասին հայտարարել է Սերբական Հանրապետության նախագահ Միլորադ Դոդիկը Հունգարիայի արտաքին գործերի նախարար Պետեր Սիյարտոյի հետ կայացած հանդիպումից հետո:
«Մենք ցանկանում ենք երկխոսություն: Հեռացրեք (բարձր ներկայացուցիչ) Քրիստիան Շմիդտին, փակեք նրա աշխատակազմը, ազատվեք նրա անօրինական ժառանգությունից: Դուք՝ Բրյուսելում, պահեք ձեզ եվրոպական ձևով: Մենք կարող ենք խոսել: Ցանկացած նոր պարտադրանք մեզ կհանգեցնի Սերբական Հանրապետության անկախության վերաբերյալ որոշման, և մենք վճռականորեն տրամադիր ենք դա անել», – Դոդիկը գրել է X սոցիալական ցանցում:
Նա նաև շնորհակալություն է հայտնել Հունգարիային՝ Սերբական Հանրապետությանն ուշադրություն հատկացնելու համար։
