Դուբայում դաժան ծեծի ենթարկված ուկրաինացի մոդելը պատմել է հետվիրահատական շրջանի մասին
Ուկրաինացի մոդել Մարիա Կովալչուկը, որը Դուբայում դաժան ծեծի էր ենթարկվել, խոսել է վիրահատություններից հետո իր ապաքինման մասին: Համապատասխան գրառումները հայտնվել են նրա ինստագրամյան էջում:
Պարզվել է, որ բժիշկները կատարել են 10 վիրաբուժական միջամտություն։ Մոդելի ոտքերը և անրակը պրոթեզավորել են։ Բացի այդ, բժիշկները աղջկա ողնաշարի վրա տեղադրել են ամրացնող մետաղներ:
Կովալչուկը խոստովանել է, որ վիրահատություններից հետո իրեն կոտրված է զգացել։ «Ես չէի կարող պատկերացնել իմ ապագա կյանքը՝ ինչպես պետք է շարունակեի ապրել այս վնասվածքներով, այս սպիով, այլանդակված։ Բայց ժամանակի ընթացքում աշխարհի իմ ընկալումը ինչ-որ կերպ փոխվեց։ Ես սկսեցի ավելի շատ ուշադրություն դարձնել ներքին աշխարհիս և հասկացա, որ ավելի կարևոր է այն, ինչ դու ճառագայթում ես, այն, ինչ զգում ես»,- նշել է մոդելը և հավելել, որ ընտանիքի և ընկերների աջակցությունը օգնում է իրեն բարելավել իր հոգեկան վիճակը։
Մարտին Կովալչուկը անհետ կորել էր Դուբայում՝ երկու տղամարդկանց հետ երեկույթից հետո։ Ավելի ուշ նրան գտել էին ճանապարհի եզրին՝ կոտրված ոտքերով և ողնաշարի վնասվածքով, և տեղափոխել հիվանդանոց։
