Եթե մարդուն չեն հավասարակշռում, մի օր կորոշի՝ կառավարությունն է, մի օր՝ ԱԺ, մի օր՝ գլխավոր էներգետիկ, ու այդպես կհասնի մանկական Եվրատեսիլին. Կարապետյան
Նախօրեին կառավարության հերթական նիստից հետո լրագրողների հետ ճեպազրույցում Նիկոլ Փաշինյանն անդրադարձել էր ՀԷՑ-ի հետ կապված միջազգային արբիտրաժային դատարանի կայացրած որոշմանը։ Լրագրողի դիտարկմանը, որ, փաստորեն, որոշումը նաև ընդունել է Կառավարությունը, Նիկոլ Փաշինյանն արձագանքել էր, թե ո՞վ է ասում, որ Կառավարությունը դատարանի որոշումն ընդունել է։
«Կառավարությունից ով դիրքորոշում հայտնել է, թող դիմում գրի գնա, բացարձակապես նման դիրքորոշում չի կարող լինել։ Կառավարությունը ես եմ, որևէ մեկը չի կարող իմ դիրքորոշմանը հակասող դիրքորոշում ունենալ․․․»,- սպառնացել էր նա, իսկ այսօր արդեն ստորագրել Միջազգային իրավական հարցերով ներկայացուցչի գրասենյակի ղեկավար Լիպարիտ Դրմեյանի ազատման դիմումը։
Հիշեցնենք՝ հենց Լիպարիտ Դրմեյանն էր ընդունել արբիտրաժի որոշումը։
«Մեր ձևով» շարժման մեկնարկին նվիրված միջոցառման ժամանակ շարժման համակարգող խորհրդի գլխավոր պատասխանատու, «Տաշիր գրուպ» ընկերությունների խմբի փոխնախագահ Նարեկ Կարապետյանը լրագրողի հարցադրմանն ի պատասխան՝ անդրադառնալով «կառավարությունը ես եմ» փաշինյանիզմին՝ շեշտեց․ «Եթե մարդուն չեն հավասարակշռում ինչ-որ կերպ, նա մի օր կարող է որոշել, որ կառավարություն է, մյուս օրը՝ ԱԺ-ն է, մյուս օրը, որ գլխավոր էներգետիկն է, ապա նաև՝ հոգևոր առաջնորդի նշանակողն է, և այդպես կարող է հասնել Մանկական եվրատեսիլին։ Մեր երկրում հավասարակշռություններ են պետք»։
Մանրամասները՝ տեսանյութում
