Ռուսաստանը և Հնդկաստանը կշարունակեն ընդլայնել կառուցողական երկկողմ համագործակցությունը. Պուտին
Ռուսաստանի նախագահ Վլադիմիր Պուտինը Հանրապետության անկախության օրվա առթիվ Հնդկաստանի նախագահ Դրաուպադի Մուրմուին և վարչապետ Նարենդրա Մոդիին հղած շնորհավորական ուղերձում նշել է երկու պետությունների հատուկ արտոնյալ ռազմավարական գործընկերությունը։ Այս մասին հաղորդում է Կրեմլի մամուլի ծառայությունը:
«Մեծ նշանակություն ենք տալիս Հնդկաստանի հետ հատուկ արտոնյալ ռազմավարական գործընկերության հարաբերություններին: Վստահ եմ, որ համատեղ ջանքերով մենք այսուհետ էլ ամեն կերպ կընդլայնենք կառուցողական երկկողմ համագործակցությունը տարբեր ուղղություններով: Դա լիովին համապատասխանում է մեր բարեկամ ժողովուրդների շահերին, ընթանում է անվտանգության և կայունության ամրապնդման հունով տարածաշրջանային և գլոբալ մակարդակներում», – ասվում է Կրեմլի կայքում հրապարակված հաղորդագրության մեջ:
