ՌԴ Սոչիի օդանավակայանը ժամանակավորապես դադարեցրել է չվերթները
Սոչիի օդանավակայանում ժամանակավոր սահմանափակումներ են մտցվել թռիչքների անվտանգության ապահովման համար, հայտնել է Ռոսավիացիայի ներկայացուցիչ Արտյոմ Կորենյակոն: Օդանավակայանը ժամանակավորապես ավիաչվերթներ չի ընդունում և չի ուղարկում։
«Քաղաքացիական օդանավերի թռիչքների անվտանգությունն ապահովելու համար դեկտեմբերի 11-ին Մոսկվայի ժամանակով ժամը 19:32-ից ժամանակավոր սահմանափակումներ են մտցվել Սոչիի օդանավակայանի աշխատանքում», – ասված է հաղորդագրության մեջ:
Նա հավելել է, որ օդանավերի անձնակազմերը, ավիադիսպետչերները եւ օդանավակայանի ծառայությունները միջոցներ են ձեռնարկում թռիչքների անվտանգությունն ապահովելու համար:
