Խոզի կրծքամիսը ոսկորով՝ բանջարեղենի հետ

Բաղադրիչները
4 բաժնի համար

• 700 գ խոզի միս (կրծքամիս՝ ոսկորով)
• 2 հատ բադրիջան
• 1 գլուխ սոխ
• 3 հատ լոլիկ
• 1 հատ գազար
• 2 պճեղ սխտոր
• 1-2 ճ.գ. ձիթապտղի ձեթ
• 1 բաժակ մսային արգանակ
• 1 թ.գ. աղացած խնկածաղիկ (майоран)
• 1 ճ.գ. մաղադանոսի ու սամիթի կտրտած տերևներ
• աղացած սև պղպեղ, աղ

Պատրաստման եղանակը

Բադրիջանները խորանարդաձև կտրատեք, աղ արեք, 10 րոպե թողեք, ապա լվացեք ու չորացրեք:

Լոլիկների վրա խաչաձև կտրվածք արեք, մի քանի վայրկյանով մտցրեք եռացրած ջրի մեջ, մաքրեք կեղևից, կտրատեք:

Սոխն ու գազարը տաշեղների ձևով կտրատեք, բադրիջանի ու կտրտած սխտորի հետ մեկտեղ 10 րոպե տապակեք:

Ավելացրեք լոլիկը, արգանակը և 20 րոպե շոգեխաշեք:

Ոսկորով խոզի միսը համաչափ կտրատեք, աղ ու պղպեղ արեք, աղացած խնկածաղիկով տրորեք և ձեթի մեջ տապակեք մինչև պատրաստ լինելը:

Մատուցելիս խոզի կրծքամիսը տեղադրեք սկուտեղի մեջ, կողքին լցրեք պատրաստի բանջարեղենային սոուսը ու վրան կանաչի ցանեք:

Ուտեստին որպես խավարտ կարող եք խաշած բրինձ մատուցել: