Թուրքիան տուրիստներ ընդունող 4-րդ երկիրն է աշխարհում
Թուրքիայի մշակույթի ու զբոսաշրջության փոխնախարար Նադիր Ալփասլանը տվյալներ է ներկայացրել զբոսաշրջությունից ստացված եկամուտների վերաբերյալ։ Այս մասին տեղեկացնում է ermenihaber.am-ը։
Նա նշել է, որ վերջին 8 տարվա ընթացքում զբոսաշրջությունից ստացված եկամուտը 30 մլրդ դոլարից հասել է 65 մլրդ դոլարի։
Ըստ Ալփարսլանի՝ զբոսաշրջիկներ ընդունող երկրների շարքում Թուրքիան աշխարհում չորրորդ տեղում է։
Նախարարը հայտնել է, որ չնայած շրջակա տարածաշրջաններում պատերազմի և անկայունության տարրերի շարունակական առկայությանը, Թուրքիայի զբոսաշրջությունը պահպանել է իր աճը և զգալի ներդրում է ունեցել տնտեսության և զբաղվածության մեջ։
