Սրտաբանը խորհուրդներ է տվել արյան ցածր ճնշում ունեցող մարդկանց
Ցածր արյան ճնշումը կարող է պահանջել դեղորայք, եթե առաջացել է ինչ-որ հիվանդության պատճառով: Այս մասին խոսել է սրտաբան Նատալյա Պոդգորոդեցկայան։
Մասնագետի խոսքով՝ տղամարդկանց մոտ ցածր ճնշումը 100-ից 60-նն է, իսկ կանանց մոտ՝ 95-ից 60-ը։ Նման ցուցանիշներ հանդիպում են նաև առողջ մարդկանց մոտ, ինչը համարվում է նորմայի անհատական տարբերակ։
Օրինակ, ցածր արյան ճնշումը կարող է բնորոշ լինել մարզիկներին և բարձրլեռնային, մերձարևադարձային և արևադարձային շրջանների բնակիչներին, ըստ shantnews-ի՝ բացատրել է Պոդգորոդեցկայան:
Այնուամենայնիվ, կան պաթոլոգիական հիպոթենզիայով հիվանդներ, ուստի բուժումն ուղղված է նրանց կյանքի որակի բարելավմանը: Փորձագետն ընդգծել է, որ հիվանդներն այս դեպքում պետք է խուսափեն արագ ուղղահայաց դիրքի փոխվելուց, ծանր օդով սենյակում մնալուց և ալկոհոլ օգտագործելուց։ Նաև ավելացրել է, որ կանոնավոր վարժությունները, մահճակալի գլուխը բարձրացրած քնելը և բավականաչափ հեղուկ խմելը նույնպես կարևոր են:
