Ալիևն անցավ հին ձեռագրին. Ադրբեջանը նոր սադրանքի համար քարոզչական հիմք է ստեղծում
Ադրբեջանն արտահերթ նախագահական ընտրություններից և Ալիևի կանխատեսելի հաղթանակից հետո կարծես թե նոր սադրանքի է պատրաստվում:
Մասնավորապես, ադրբեջանական լրատվամիջոցների հաղորդմամբ, Հայաստանն իբր փետրվարի 12-ին, ժամը 13:37-ի սահմաններում Զանգելանի շրջանի (Կովսականի) ուղղությամբ խախտել է հրադադարի պահպանման ռեժիմը, ինչի հետևանքով Ադրբեջանի պետական սահմանապահ ծառայության զորքերից մեկ զինծառայող վիրավորվել է:
ՀՀ ՊՆ-ն դեռ չի մեկնաբանում տարածված տեղեկությունը, որին ադրբեջանական կողմն ինչ-որ տեսանյութ է կցել:
Հավելենք, որ վերջերս 168.am-ի հետ զրույցում «Հենակետ» վերլուծական կենտրոնի փորձագետ Շիրազ Խաչատրյանը նշել էր.
«Ընտրություններից հետո, համոզված եմ, Ալիևն անցնելու է իր հին ձեռագրին, և ըստ իս՝ նոր սահմանային սրացումներն անխուսափելի են լինելու»:
