Ֆիդանն ու Բլինկենը բանակցություններ կանցկացնեն Թուրքիայում
Թուրքիայի արտգործնախարար Հաքան Ֆիդանն ու ԱՄՆ պետքարտուղար Էնթոնի Բլինկենը բանակցություններ կանցկացնեն նոյեմբերի 6-ին։ Տեղեկությունը հայտնում է Թուրքիայի արտաքին գործերի նախարարությունը։
Հանդիպման ընթացքում ԱՄՆ-ի և Թուրքիայի դիվանագիտական գերատեսչությունների ղեկավարները կքննարկեն Գազայի հատվածում տիրող իրավիճակը, տարածաշրջանային խնդիրները:
Սպասվում է, որ Բլինկենն ու Ֆիդանը կարծիքներ կփոխանակեն թուրք-ամերիկյան հարաբերությունների հարցերի շուրջ:
Նշենք, որ նոյեմբերի 4-ին Բլինկենն այցելել է Հորդանան, որտեղ հանդիպում է ունեցել արաբական մի քանի երկրների արտգործնախարարների հետ՝ քննարկելու Գազայի հատվածում տիրող իրավիճակը: Նոյեմբերի 5-ին ԱՄՆ պետքարտուղարը կայցելի Իրաք։
