Փորձագետը հայտնել է կանաչ լոլիկի վտանգավորությունն առողջության համար

Գյուղատնտեսական գիտությունների թեկնածու Տատյանա Ալեքսեևան ընդգծել է կանաչ լոլիկի վտանգավորությունն առողջության համար և պատմել, թե արդյոք կարելի է ներսից սպիտակ և կանաչ երակներով լոլիկ ուտել։ Ըստ shantnews-ի՝ նրա խոսքերը մեջբերում է Life-ը։

Փորձագետը հորդորել է զգուշանալ չհասունացած լոլիկից, քանի որ այն պարունակում է թունավոր օրգանական միացություն՝ սոլանին։ Որքան կանաչ է լոլիկը, այնքան շատ է նրա մեջ այս վտանգավոր նյութը։

Փոքր չափաբաժիններով սոլանինը մարդուն չի վնասի, բայց եթե երկու կիլոգրամից ավելի ոչ հասուն լոլիկ ուտեք, կարող եք թունավորվել, ընդգծել է Ալեքսեևան։

Միաժամանակ, ըստ զրուցակցի, կարելի է ուտել լոլիկ, որի ներսում կանաչ կամ կոշտ սպիտակ երակներ կան, թեև դրանց համը սովորաբար այդքան էլ լավը չի լինում։ Նմանատիպ գունային թերությունները տեղի են ունենում որոշ սորտերի դեպքում: Բացի այդ, երակները կարող են հայտնվել հողում հանքանյութերի բացակայության պատճառով։