«Եթե հնարավոր չէ ցամաքային ճանապարհն ապահովել, ապա օդայինը պարտադիր պետք է կիրառվի». Գեղամ Ստեփանյան
Այսօր Արցախի ՄԻՊ-ը մամուլի ասուլիսի ընթացքում անդրադարձավ Ստեփանակերտի օդանավակայանին, պատասխանելով հարցին, թե հնարավո՞ր է Հայաստանի հետ օդային կապ ապահովեն և օգտագործեն Ստեփանակերտի օդանավակայանը։
«Հարցին այս տեսանկյունից կմոտենամ, որ ոչ թե հնարավոր կլինի, այլ պարտադի՛ր պետք է լինի, որովհետև ամենավատ սցենարում տեսնում ենք, այսինքն՝ Արցախի ժողովրդի ամբողջական բլոկադան արդեն իսկ նշել ենք, թե ինչ հետևանքների է հանգեցնելու։ Եթե հնարավոր չէ ցամաքային կապն ապահովել, որը ևս պարտադիր է, օդային ճանապարհն օգտագործելու ժամանակավոր լուծումները պարտադիր պետք է կիրառվեն։ Հատկապես հենց հումանիտար հարցերի դեպքում՝ առողջապահություն, բժշկական օգնություն և այլն»,- նշեց Գեղամ Ստեփանյանը։
Մանրամասները՝ 168.am-ի տեսանյութում
