Լավրովը և Բայրամովը քննարկել են Ադրբեջանի և Հայաստանի միջև խաղաղության պայմանագրի նախապատրաստման շուրջ բանակցությունների պայմանները

Արարատ Միրզոյանի հետ հանդիպումից հետո Սերգեյ Լավրովն Ադրբեջանի արտգործնախարարի հետ հեռախոսով քննարկել է եռակողմ պայմանավորվածությունների կատարման, հայ-ադրբեջանական սահմանի սահմանազատման հանձնաժողովի ստեղծման ջանքերը։ Այս մասին հաղորդում է «ԱՊԱ» գործակալությունը:

Աղբյուրի հաղորդմամբ՝ նախարարները անդրադարձել են 2020 թվականի նոյեմբերի 9-ի, հունվարի 11-ի և 2021 թվականի նոյեմբերի 26-ի եռակողմ համաձայնագրերի բոլոր դրույթների կատարմանը, կոմունիկացիաների ապաշրջափակման եռակողմ աշխատանքային խմբի գործունեությանը:

Անդրադարձ է եղել նաեւ Հայաստանի և Ադրբեջանի միջև խաղաղության պայմանագրի նախապատրաստման շուրջ բանակցությունների պայմաններին։