Սնկով և ծովամթերքով պատրաստված սպագետի

Բաղադրիչներ

1. Սպագետի – 100 գ

2. Ծովային կոկտեյլ – 200 գ

3. Շամպինիոն – 150 գ

4. Սերուցք – 80 մլ

5. Սխտոր – 1-2 պճեղ

6. Աղ, սև պղպեղ

7. Բուսայուղ – 2 ճ/գ

Պատրաստման եղանակը

1. Կաթսայի մեջ 1 լ ջուր եռացնել, աղ ցանել: Սպագետին լցնել եռացող ջրի մեջ և եփել 7-9 րոպե: Ջուրը թափել:

2. Սունկը բարակ շերտատել:

3. Տապակի մեջ մի փոքր բուսայուղ տաքացնել, լցնել սունկը և տապակել բարձր կրակի վրա 4-5 րոպե, ավելացնել ծովամթերքը, խառնել:

4. Սունկը և ծովամթերքը տապակել ևս 3 րոպե: Սխտորը մանր կտրատել և ավելացնել տապակի մեջ: Տապակել ևս 30 վայրկյան:

5. Տապակի մեջ լցնել սերուցքը, աղ և պղպեղ ցանել:

6. Սունկը և ծովամթերքը շոգեխաշել միջին կրակի վրա 2-3 րոպե:

7. Հետո ավելացնել սպագետին, խառնել և թողնել ևս մեկ րոպե: Մատուցել:

Պատրաստեց Անի Գաբուզյանը