Սուպերլիգան վերադառնում է նոր ձևաչափով

Այժմ նրանք ծրագրում են բաց լիգա՝ առաջխաղացումներով և անկումներով:

Մադրիդի «Ռեալի», «Բարսելոնայի» և «Յուվենթուսի» ղեկավարները չեն հրաժարվել Սուպերլիգայի երազանքից։ Քննարկումների նոր ալիք սկսվեց Լա լիգայի ղեկավար Խավիեր Տեբասի հետ:

«Մեկ շաբաթ առաջ Անյելիի տանը հանդիպեցին երեք ակումբների ներկայացուցիչներ։ Մենք դա գիտենք։ Նրանք կարող են ասել այն, ինչ ուզում են, բայց մենք գիտենք, թե ինչի վրա են աշխատում»:

Այսպիսով, Սուպերլիգան վերադառնո՞ւմ է: Դեռ ոչ, բոլորը սպասում են դատարանի որոշմանը։

Սուպերլիգայի ղեկավար և «Յուվենթուսի» սեփականատեր Անդրեա Անյելին հինգշաբթի օրը ելույթ ունեցավ Financial Times-ի գագաթնաժողովում ֆուտբոլային բիզնեսի վերաբերյալ և հաստատեց.

«Սուպերլիգան չի տապալվել. Իմ կարծիքով, եվրոպական ֆուտբոլը բարեփոխումների խիստ կարիք ունի,- սկսել է Անյելին: -ՈւԵՖԱ-ն գիտեր, որ ես՝ որպես «Յուվենտուսի» նախագահ, այլ բանի վրա եմ աշխատում։ Սուպերլիգան 12 թիմերի թիմային աշխատանք է, ոչ թե մեկ հոգու: 12 ակումբներ ստորագրել են 120 էջանոց պայմանագիր, և այն դեռ ուժի մեջ է այդ ակումբներից 11-ի համար։ Փոխզիջումն այլևս լուծում չէ, մեզ ավելի խորը բարեփոխումներ են պետք։ Ինչպե՞ս կարող է մենաշնորհը ֆուտբոլի նման բիզնես վարել: Կարծում եմ ոչ։ Ես կմտածեի ոչ թե այլընտրանքային ապրանքների, այլ այն մասին, թե ինչպես է կառավարվում ոլորտը»։

Անյելին հավելել է, որ Superleague 2.0-ի մեկնարկը մոտ ապագայի խնդիր չէ։ Նախ սպասում են Եվրոպական դատարանի որոշմանը։

Ինչի՞ մասին ենք խոսում։ Անցյալ տարի Մադրիդի առևտրային դատարանը հանդես եկավ «Ռեալի», «Բարսայի» և «Յուվեի» կողքին, երբ նրանք պահանջեցին դադարեցնել կարգապահական վարույթը հեղափոխության փորձի համար։ ՈՒԵՖԱ-ն, ի պատասխան, պահանջել է հեռացնել մրցավար Մանուել Ռուիս դե Լարային, սակայն մերժում է ստացել, իսկ միությունը նույնպես տուգանվել է և պարտավորեցրել փոխհատուցել դատական ծախսերը։

Այժմ գործը հասել է Եվրոպական դատարան, նրա խնդիրն է պարզել՝ արդյոք ՈՒԵՖԱ-ի գործունեությունը մենաշնորհի սահմանման տակ է, և արդյոք այն խախտում է մրցակցային օրենքը։

«Ռեալի» նախագահ Ֆլորենտինո Պերեսը դեռևս նոյեմբերին ասել էր, որ կասկածներ չունի դրական արդյունքի վերաբերյալ. «Մենք պետք է ևս մեկ անգամ հիշեցնենք ՈւԵՖԱ-ին, թե ինչ է «Ռեալը»: Այն պատմության մեջ ամենահաջողակ ակումբն է՝ 1902 թվականին հիմնադրվելուց ի վեր բոլոր անհրաժեշտ նորամուծություններում ներգրավված լինելով և պահպանելով ֆուտբոլի ավանդույթները, երբ դրանք վտանգի տակ էին: Սա աշխարհի միակ ակումբն էր, որը 1904 թվականին 7 երկրների ֆեդերացիաների հետ հիմնադրեց ՖԻՖԱ-ն։ Իսկ 1955-ին նա նաև L’Équipe թերթի հետ միասին եղել է Եվրոպայի գավաթի ստեղծման նախաձեռնողը։

Մենք լիակատար վստահություն ունենք եվրոպական դատարանների և մասնավորապես Եվրոպական միության արդարադատության դատարանի նկատմամբ։ Նրանց առաքելությունն ու պարտականությունն է ապահովել Եվրամիության բոլոր քաղաքացիների ազատություններն ու իրավունքները։ Ոչ ոք օրենքից վեր չէ»։

Անցյալ ամառ «Յուվենթուսը», «Ռեալը» և «Բարսելոնան» հանձնարարեցին Ֆլինթին և A22-ին բարձրացնել Սուպերլիգայի իմիջը: Վերաձեւակերպման հիմքը Սուպերլիգայի փակ սկզբունքի մերժումն է, որը բոլորի կողմից քննադատվեց։ Ինչպես հայտնում է La Gazzetta dello Sport-ը, նոր մրցաշարային սխեման ունի երկու դիվիզիոն՝ 20-ական թիմով։ Ակումբները կկարողանան թռչել դեպի ցածր լիգաներ և հետ բարձրանալ:

Միևնույն ժամանակ, Տեբասը մի փոքր այլ տեղեկություններ ունի. նա կարծում է, որ ազգային լիգաները համարվում են Սուպերլիգայի երկրորդ մակարդակը։ Այնտեղից լավագույնները գնում են գլխավոր մրցաշար։

«Այս մրցաշարում շատ դժվար կլինի ընդգրկել անգլիական ակումբներին, ուստի նրանք ստեղծում են երկու մակարդակ ունեցող եվրոպական լիգա, որտեղ ազգային լիգաները երկրորդ մակարդակն են»։

Տեբասը նաև կարծում է, որ հիմնադիրները ցանկանում են արտոնություններ ստանալ նոր մրցաշարում։

Չեֆերինի արձագանքը. «Նրանք ապրում են զուգահեռ իրականության մեջ».

ՈՒԵՖԱ-ի ղեկավար Ալեքսանդր Չեֆերինը ևս մեկ անգամ դատապարտել է նախագծի գաղափարը. «Սկզբում նրանք սկսեցին այս ծիծաղելի գաղափարը համաճարակի կեսին: Այժմ նրանք ծրագրում են դա նորից անել ռազմական ճգնաժամի պայմաններում։ Կարծես նրանք ապրում են զուգահեռ իրականության մեջ»:

Տեբասը, ով կարող է կորցնել Լա Լիգայում երկու խոշոր ակումբներ, նույնպես զայրացած է. ««Յուվենթուսը», «Բարսելոնան», «Ռեալը» թշնամիներ են ձեռք բերել ՈՒԵՖԱ-ից և Պրեմիեր լիգայից, որոնց աճը հակասում է իրենց մոդելին: Նրանք պնդում են, որ Սուպերլիգայի ստեղծումը չի ազդի ազգային լիգաների վրա։ Պետք է ապուշ լինել, հիմար հավատալու համար: Մենք բոլորս ասում ենք, որ դա կվնասի լիգաներին: Ինձ համար սա վիրավորանք է, ես ինձ նվաստացած եմ զգում։ Նրանք մեծ վնաս կհասցնեն»։

Պրեմիեր լիգայի գործադիր տնօրեն Ռիչարդ Մասթերսը նույնպես դեմ է դրան. «Եվրոպայի Սուպերլիգան այս երկրում ավարտվեց 48 ժամում։ Երբեք ֆուտբոլն այնքան համախմբված չեմ տեսել, որքան այդ ժամանակահատվածում։ Գաղափարը հաղթեց ինքն իրեն»:

Սիրարփի Աղաբաբյան