«Ինձ բացառում եմ». Տիբո Կուրտուան նշել է աշխարհի լավագույն երեք դարպասապահներին
«Ռեալ Մադրիդի» դարպասապահ Տիբո Կուրտուան անվանել է աշխարհի լավագույն երեք դարպասապահներին։ Կուրտուան իրեն չի ներառել լավագույն եռյակում։ 33-ամյա բելգիացին այս մրցաշրջանում իր ակումբի կազմում անցկացրել է 22 խաղ և բաց է թողել 20 գոլ։ Նա 10 անգամ անառիկ է պահել դարպասը։
«Իհարկե, ես լավագույններից մեկն եմ։ Բայց յուրաքանչյուրն ունի իր ճաշակը, և յուրաքանչյուրն ազատ է իր կարծիքը հայտնելու»,- ասել է դարպասապահը և թվարկել իր կարծիքով աշխարհի լավագույն երեք դարպասապահներին. «Ես ինձ բացառում եմ։ Յան Օբլակը այս մրցաշրջանում խաղում է շատ բարձր մակարդակի վրա։ Ինձ շատ է դուր գալիս Ալիսոնը, չնայած նա վնասվածք ունի։ Ինձ նաև շատ է դուր գալիս Դավիդ Ռայան»,- Կուրտուայի խոսքերն է մեջբերում COPE առցանց հրատարակությունը։
