Ճապոնիայում պայթյուն է տեղի ունեցել զբոսանավակում

Ճապոնիայի Օկինավայի հարավային պրեֆեկտուրայում պայթյուն է տեղի ունեցել զբոսանավակում: Ապրիլի 27-ին այդ մասին հայտնել է երկրի հանրային հեռուստատեսությունը։

Հանրային հեռուստատեսության տվյալներով՝ միջադեպը տեղի է ունեցել Մոտոբու քաղաքի նավահանգստում: Ինչպես հայտնել են ոստիկանությունում, պատահարի հետեւանքով տուժել է մի քանի մարդ: Պատահարի հանգամանքները պարզվում են: Հայտնում են, որ պայթյունի պահին նավակը կառանված է եղել, հաղորդել է ՏԱՍՍ-ը: