Սուարեսն «Ատլետիկոյում» տարեկան 9 միլիոն եվրո կվաստակի
«Բարսելոնայի» հարձակվող Լուիս Սուարեսը մոտ է «Ատլետիկոյին» միանալուն:
Marca-ի փոխանցմամբ՝ ուրուգվայցին մադրիդյան ակումբի հետ 2 տարվա պայմանագիր է համաձայնեցրել՝ տարեկան 9 միլիոն եվրո աշխատավարձով:
Հաղորդվում է, որ Սուարեսն արդեն զրուցել է «Ատլետիկոյի» գլխավոր մարզիչ Դիեգո Սիմեոնեի հետ:
Ավելի վաղ հաղորդվում էր, որ «Բարսելոնան» համաձայնել է խզել պայմանագիրը 33-ամյա հարձակվողի հետ: Կատալոնացիներն անվճար բաց կթողնեն ուրուգվայցուն, իսկ նա, իր հերթին, մասամբ կհրաժարվի պայմանագրով նախատեսված վերջին տարվա աշխատավարձից:
Պատրաստեց Անի Գաբուզյանը
