Բուռնազյան փողոցում կայանված «Հոնդա» մակնիշի մեքենայում զենք է հայտնաբերվել
Հուլիսի 1-ին ոստիկանության Էրեբունու բաժնի քրեական հետախույզները տեղեկություններ ստացան, որ Բուռնազյան փողոցում կայանված «Հոնդա» մակնիշի մեքենայում զենք կա:
Նշված հասցե մեկնած օպերատիվ խումբը պարզեց, որ տրանսպորտային միջոցը պատկանում է Հրազդան քաղաքի 44-ամյա մի բնակչի: Մեքենայի զննությամբ իրավապահները հայտնաբերեցին առանց գործարանային համարի «ՏՏ» տիպի ատրճանակ՝ լիցքավորված 7,62 մմ տրամաչափի 7 փամփուշտով, երկաթե մահակ և 3 դանակ:
Հայտնաբերվածն առգրավվել և ուղարկվել է փորձաքննության:
Հանգամանքները պարզվում են:
Փաստի առթիվ նախապատրաստվում են նյութեր:
