«Վիրավորված» Արթուրն ու էմոցիոնալ Պյանիչը․ ինչո՞ւ ակումբները կատարեցին փոխանակումը

«Բարսելոնան» հայտարարել է «Յուվենթուսի» 30-ամյա կիսապաշտպան Միրալեմ Պյանիչի տեղափոխության և 23-ամյա կիսապաշտպան Արթուրի՝ իտալական ակումբին վաճառքի մասին, որը մինչև վերջին անգամ հրաժարվում էր այս փոխանակումից և լուրջ վիրավորված էր կատալոնացիներից: Ինչպես այս տարօրինակ փոխանցումը «Բարսելոնային» կօգնի բարելավել իր ֆինանսական հաշվետվությունները, և ինչի շնորհիվ ակումբը կարող է շահել սպորտային առումով:

Ֆինանսական խորամանկություններ

«Բարսելոնան» և «Յուվենթուսը» արդեն իրականցրին 23-ամյա Արթուրի տարօրինակ փոխանակումը փորձառու, բայց արդեն 30-ամյա Միրալամ Պյանիչի հետ: Այս գործարքի մասին լուրերը սկսեցին ապրիլին, բայց ի սկզբանե սա կարծես ոչ այլ ինչ էր, քան մամուլի վառ երևակայության արդյունքը`կարանտինի պատճառով իրական նորությունների բացակայության պատճառով։

Ինչո՞ւ կատալոնացիները հրաժարվեցին երիտասարդ կիսապաշտպանից, որին հրապարակավ գովաբանվեց Մեսսին և իր իրավահաջորդը համարեց Խավին,և այլն էլ այն դեպքում, որ բրազիլացին տարեկան 2 միլիոն եվրո էր ստանում`«Բարսելոնայի» բազայի չափանիշներով շատ քիչ գումար: Ֆինանսական ճգնաժամը նույնպես դեր ունի՞:

Փոխարենը կապտանռնագույնները ստանում են ֆուտբոլիստ, որն այս պահին լավ մարզավիճակում է, բայց տարիքի պատճառով կարող է հետագայում թուլացնել խաղը: Ավելին, Պյանիչը, որպես արդեն կայացած աստղ, երեք անգամ ավելին է ստանում, քան Արթուրը․ «Յուվենթուսում» նրա աշխատավարձը կազմում էր մոտ 6,5 միլիոն եվրո, իսկ խաղացողը դժվար թե իջեցնի այն։

Միևնույն ժամանակ, «Բարսելոնան» արդեն լի է մեծ տարիքի խաղացողներով. ավելի քան 30 տարեկան են Մեսսին, Սուարեսը, Բուսկետսը, Ռակիտիչը, Վիդալը, Պիկեն, Ալբան, իսկ 29-ը` Գրիզմանն ու Բրեյթվեյթը: Տեսանելի ապագայում ակումբը ստիպված կլինի անցնել սերնդափոխության, բայց ղեկավարությունը որոշել է ձեռք բերել մեկ այլ հասուն խաղացողի, այն էլ կենտրոնական դիրքւոմ, որտեղ թիմը քիչ թե շատ կարգին է, և արժե ամրապնդել այլ դիրքերը:

Նման տարօրինակ փոխանակության օգտին իսկապես հզոր փաստարկ կարող է լինել տնտեսական վիճակը։
Իսկապես, փոխանակումը («Յուվենթուսից» համեմատաբար փոքր հավելավճարով) միայն ըստ էության է, և պաշտոնապես ակումբները կատարել են երկու տրանսֆերներ՝ վճարելով նրանց համար լուրջ գումարներ՝ շատ ավելի մեծ, քան իրականում արժեին այդ խաղացողները: Եվ հիմա երկու թիմերն էլ կկարողանան հունիսի 30-ին ավարտվող ֆինանսական տարեկան հաշվետվությունում ավելացնել լավ շահույթ, քանի որ եկամուտները հաշվետվություններում անմիջապես գրանցվում են ամբողջությամբ, իսկ փոխանցման ծախսերը բաշխվում են հավասարաչափ`նոր խաղացողի հետ պայմանագրի տարիների գումարով, այնպես որ այժմ երկու թիմերի ֆինանսական փաստաթղթերը շքեղ տեսք կունենան: Ինչպե՞ս է դա աշխատում։

1. «Բարսելոնան» հայտարարել է, որ Պյանչին ստորագրել է 60 միլիոն եվրոյի գումարած 5 միլիոն բոնուսների դիմաց, իսկ Արթուրին վաճառել է «Յուվենթուսին» ՝ 72 միլիոն եվրոյով գումարած 10 միլիոն բոնուս:

2. Կատալոնացիների հետ բրազիլացու պայմանագիրը ուժի մեջ էր վեց տարի (երկուսն արդեն անցել են), իսկ «Գրեմիոյից» նրա տրանսֆերի համար վճարվել է 30 միլիոն եվրո: Քանի որ անցումի գինը հավասարաչափ բաշխված է, ստացվում է, որ ակումբի կիսապաշտպանի մեկ տարին արժե 5 միլիոն եվրո, իսկ նա արդեն աշխատել է 10 միլիոն:

Մնացել է 20 միլիոն, բայց քանի որ «Բարսան» վաճառել է Արթուրին 70 միլիոնով (մենք հաշվի չենք առնի բոնուսները, քանի որ դրանք վճարելու համար անհրաժեշտ է, որ խաղացողը որոշակի ձևով ապացուցի իրեն «Յուվենթուսում»), ապա հենց հիմա կգրանցի 50 միլիոն դոլարի շահույթ:

3․ Պյանիչը «Յուվենթուսում» խաղացել է պայմանագրով նախատեսված 5 տարիներից 2-ում։ Ըստ ակումբի պաշտոնական կայքի, նրա վաճառքը բերելու է 41,8 միլիոն եվրոյի շահույթ։

Իհարկե, հետագա տարիներին տրանսֆերային գումարը մասամբ կփոխանցվի երկու ակումբների ծախսերին, բայց «Յուվենթուսի» համար սա դժվար թե խնդիր լինի, իսկ «Բարսելոնայի» համար, որը գործող նախագահ Խոսեպ Բարտոմեուի օրոք, մի փոքր արկածախնդիր է, ավելի կարևոր էր գտնել արագ տարբերակ՝ ֆինանսական տարին լավ փակելու համար։ Կատալոնացիները, ըստ ամենայնի, ավելի ուշ կհարթեցնի ֆինանսական խնդիրները՝ փորձելով վաճառել արդեն մի քանի ֆուտբոլիստների՝ առանց որևէ փոխանակման:

«Այս փոխանակումը կրկին բացահայտում է կոշտ իրողությունը։ Ակումբի տնտեսական վիճակը շատ անհանգստացնող է»,- գրել է «Բարսելոնայի» նախագահության թեկնածուներից մեկը՝ Վիկտոր Ֆոնտը։
Նա նշում է, որ տնտեսական իրավիճակը առաջին պլանում է՝ հաշվի չառնելով խաղի գործոնը։

«Անցած տարի դարպասապահներ Սիլեսենի և Նետոյի փոխանակումն արդեն իսկ դարձավ այդպիսի հնարք (այդ ժամանակ «Բարսելոնան» և «Վալենսիան» նույնպես 35 միլիոն եվո գումար էին հատկացնում իրենց դարպասապահներին և ճշգրտում էին իրենց ֆինանսական հաշվետվությունները):

Այս տարի, սեփական մաշկը փրկելու համար, ղեկավարությունը ակումբից դուրս է հանում երիտասարդ խոստումնալից խաղացողի, որը ռազմավարական նշանակություն ունի առաջիկայում թիմի զարգացման վրա»։

Խաղային գործոն

Խաղի տեսակետից ՝ այս փոխանակումն, առաջին հայացքից, շատ ավելի ձեռնտու է «Յուվենթուսին»: Արթուրը շատ ավելի երիտասարդ է, խոստումնալից է, ցանկացած ճնշման տակ պահում է գնդակը հիանալի և գրեթե երբեք սխալներ չի թույլ տալիս գոլերի հարցում, ունի ուժեղ հարված, ավելին, նա 1,5 միլիոն եվրոյով ավելի քիչ կստանա, քան Պյանիչը (5-ը ընդդեմ 6,5-ի)։ Մաուրիսիո Սերին, ըստ լուրերի, նախատեսում է Արթուրի շուրջ կառուցել իր թիմի խաղը։
Այնուամենայնիվ, երիտասարդ բրազիլացին զգալի թերություններ ունի: Նա հակված է վնասվածքների, որի պատճառով երկու տարում նա բաց է թողել 123 օր (22 հանդիպում) «Բարսելոնայում»:

Ֆիզիկապես, Արթուրը հիմա էլ ատլետիզմի օրինակ չէ: 2019/20 մրցաշրջանում նա ընդամենը հինգ հանդիպում է անցկացրել: Դրա համար նա լրջորեն քննադատվել է նույնիսկ կատալոնական ֆուտբոլի հիմնական պարբերականի՝ Mundo Deportivo-ի կողմից, որը հստակ աջակցում է «Բարսելոնային»:

«Վալվերդեի և Սետյենի օրոք, Արթուրը աստիճանաբար մարեց որպես խաղացող, և 23 տարեկանում 90 րոպեն դաշտում նրան թվում էր հավերժություն: «Տոտենհեմի» դեմ հիանալի ելույթից հետո Վալվերդեն նրան անընդմեջ տասը խաղ տվեց, այնուհետև հրաժարվեց նրա ծառայություններից:

Այս մարզչի համար Արթուրը 14 համարի խաղացող էր: Համեմատության համար. միայն Ումտիտին, Ալենյան և Մալկոմն էին խաղում ավելի քիչ: Սետյենի օրոք, Արթուրը գրեթե միշտ մասնակցում էր միայն տնային խաղերին»,-ասում է լրագրող Խավիեր Բոշը «Ինչն էր Արթուրին խանգարում հաջողության հասնել «Բարսելոնայում»» հոդվածում:

Ընդհանրապես, երիտասարդ կիսապաշտպանը, չնայած խաղալում էր ութի դիրքում, սովորաբար չէր ցուցադրում ստեղծագործական որևէ հրաշքներ և կենտրոնացած էր միայն գնդակը պաշտպանելու վրա, ինչը, իհարկե, վատը չէ և դրված է «Բարսելոնայի» ԴՆԹ-ում, բայց դեռ այն չէ, ինչ սպասվում էր ակումբի ղեկավարությունը երկու տարվա ընթացքում: Սակայն, Սարրին, ըստ երևույթին, վստահ է, որ կկարողանա լիարժեք բացահայտել բրազիլացու որակները:

Փոխարենը, կատալոնացիները ձեռք են բերում պատրաստի վարպետ Պիանիչին, ով անընդհատ խաղում էր «Յուվենթուսի» հիմնական կազմում, իր կարիերայի ընթացքում նա փորձել է դաշտի կենտրոնում գտնվող բոլոր դիրքերը և, ի վերջո, վերածվել է հուսալի հենակետայինի, որը կարող էր սկսել հարձակումը երկար փոխանցմամբ, այնպես որ «Բարսան» ռիսկի չի դիմում։

Բացի այդ, Պյանիչը կկարողանա հանգիստ փոխարինել Բուսկետսին, որի բացակայության դեպքում «բլուգրանան» սկսում է քաոսային խաղալ պաշտպանությունում, որն արդեն երկաթյա չէ:

Ընդհանուր առմամբ, խաղային տեսանկյունից, ինչպես «Բարսելոնան», այնպես էլ «Յուվենթուսը» կարող են լրջորեն օգտվել այս փոխանակումից, և ծայրաստիճան հետաքրքիր կլինի տեսնել, թե ինչպես են կիսապաշտպանները հարմարվում նոր ակումբներին։

Ի դեպ, տպավորություն է, որ Արթուրը վիրավորված է «Բարսելոնայից» և իր հրաժեշտի խոսքում ընդհանրապես չանդարձավ «Բարսելոնայի» ղեկավարությանը։ Իսկ Պիանիչը գրեթե էսսե էր գրել՝ էմոցիոնալ հրաժեշտ տալով «Յուվենթուսի» երկրպագուներին և խաղընկերներին։

Սիրարփի Աղաբաբյան