Սպերցյանը հրապարակում է արել Պորտուգալիայի հետ խաղից առաջ

Հայաստանի ազգային հավաքականի ավագ Էդուարդ Սպերցյանը իր Telegram-ալիքում հրապարակել է գրառում՝ նվիրված 2026 թվականի աշխարհի առաջնության ընտրական փուլի վերջին հանդիպման։ Հանդիպումը կկայանա այսօր՝ նոյեմբերի 16-ին, Երևանի ժամանակով 18:00-ին։

«Պատրաստվում ենք հետաքրքիր և հուզական հանդիպման»,- գրել է Սպերցյանն իր ալիքում։

Հայաստանի հավաքականը F խմբի մրցաշարային աղյուսակում զբաղեցնում է չորրորդ տեղը՝ հինգ խաղում ունեցած երեք միավորով և կորցրել է աշխարհի առաջնությանը մասնակցելու հնարավորությունը։ Պորտուգալիայի հավաքականն իր ընտրական խմբում առաջին տեղում է՝ հինգ խաղից հետո ունենալով 10 միավոր։