Տեսակապի միջոցով Էդվարդ Նալբանդյանը մասնակցում է Ապրիլյան քննիչ հանձնաժողովի նիստին
Մեկ ժամից ավելի է, ինչ տեղի է ունենում ԱԺ Ապրիլյան պատերազմի հանգամանքները քննող հանձնաժողովի նիստը, որին այսօր տեսակապի միջոցով մասնակցում է ՀՀ նախկին արտգործնախարար Էդվարդ Նալբանդյանը:
Հիշեցնենք, որ ավելի վաղ հանձնաժողովի նախագահ, իմքայլական պատգամավոր Անդրանիկ Քոչարյանը լրագրողներին ասել էր, որ Էդվարդ Նալբանդյանը, որը բնակվում է Մոսկվայում, տվել է իր համաձայնությունը՝ մասնակցելու հանձնաժողովի նիստին հեռավար: Հետևաբար՝ կորոնավիրուսային իրավիճակով պայմանավորված, պատրաստ են հանձնաժողովի նիստին նրա մասնակցությունն ապահովել նաև տեսակապի միջոցով:
Հիշեցնենք, որ հանձնաժողովն իր աշխատանքներն ամփոփելու է հունիսի 4-ին, մինչ այս պահը հրավիրված անձանցից չի ներկայացել միայն Զինված ուժերի գլխավոր շտաբի նախկին պետ Յուրի Խաչատուրովը:
