Զիդանի որդին հրաժարվել է խաղալ Ֆրանսիայի հավաքականում և ընտրել է Ալժիրը
«Ռեալի» գլխավոր մարզիչ Զինեդին Զիդան որդին՝ Լյուկան, կխաղա Ալժիրի հավաքականի կազմում:
21-ամյա դարպասապահը մրցաշրջանը վարձակալական հիմունքներով անցկացնում է Սեգունդայի «Ռասինգ Սանտանդերում»: Նախկինում ֆուտբոլիստը խաղում էր Ֆրանսիայի հավաքականի մինչև 17 տարեկանների հավաքականի կազմում, բայց այժմ նա կփոխի իր ֆուտբոլային քաղաքացիությունը: Ինչպես հաղորդում է Marca-ն, վկայակոչելով ալժիրական Echouruk հրատարակությունը, Ալժիրի գլխավոր մարզիչ Ջամել Բելմադին համաճարակից առաջ խոսել է խաղացողի հետ և համոզել, որ նա խաղա իր նախնիների երկրի համար:
Նախատեսվում է, որ Լյուկան իր դեբյուտն Ալժիրի հավաքականի կազմում կկատարի աշնանը՝ Աշխարհի գավաթի խաղարկության ընտրական փուլում:
Պատրաստեց Անի Գաբուզյանը
